| | |
| لاعلاناتكم في الموقع |  | منتدى المرأة الإماراتية | | منتدى الإمارات الرياضي | |
| دليل المواقع الإماراتية | | مجلة الأخبار الاقتصادية | |
آخر المشاركات |
 |
|  | ||||||||
| |||||||
| الدعاية والإعلان | التسجيل | الأسئلة الشائعة | قائمة الأعضاء | التقويم | البحث | مواضيع اليوم | جعل جميع المنتديات مقروءة |
 |  |
| منتدى وطني الإمارات لمتابعة أخبار وقضايا وشؤون مجتمع دولة الإمارات العربية المتحدة |
 |
28-11-2008, 11:52 AM
| #1 (permalink) |
| مشرف المنتدى العام   تاريخ التّسجيل: Dec 2004
المشاركات: 7,447
|  إنتي مواطنه أصليه ولا مب أصليه جد خيطتي كنادير حق عيالج علي الكرخانه تعرفين تدخلين الهدب في الإبره جد خبزتي خمير ومحلي وجباب ورقاق علي الكوار جد فرشتي المده في الحوي عقب المغرب وخرفتي عيالج عن سوالف الأولين في مره من المرات حلبتي العنز وسقيتي عيالج حليب قبل مايسيرون حق المطوعه في مره من المرات عقصتي راس البنات قبل مايسيرن المدرسه جد مره حطيتي قفاطه حق الفيارين اللي تاكل كتب العيال تعرفين القرحاف والمداس ولا بس تعرفين الجوتي والجعب العالي عطرج عنبر وزباد ودهن ورد وعرق الزعفران ولا عطورج فرنسيه جد حرقتي لبانه دخون ليلة الجمعه ودخنتي الشربه ( أقصد اليحله ) مال الماء جد غسلتي الجدور والمواعين بليفة نخل ولا تستخدمين سائل لوكس وليف معدني عمرج علقتي التفق والخنير مال الريال في ظهر المخزن جد وقفتي جنب الريال يوم يثور التفق عقب الملجه تعرفين تخضين لبن وتسوين سمن وزبده جد سقيتي الياهل من ماء الغسول في مره عفصتي له تمره وحطيتيها في لهات الياهل عمرج قطر تي عيون الياهل بالكرمزيوم تعوره عيونه جد حطيتي إيدج في بيب المالح وطلعتي ربعة مالحه حق المودم ( الجابسه ) يوم المطر المواطنه الأصليه تبرز المدخن وتدخن الريال والعيال يوم الجمعه قبل سيرة المسيد المواطنه الأصليه لي شافت الريال في السكه تغشت وجابلت الطوفه علي شان مايعرفها مب مواطنه اللي ماتعرف تسوي البثيثه في الشتاء علي شان تدفي صدور عيالها أول مره أعرف مواطنه تغني وينسمع صوتها من ورى الطوفه شو من الخلاجين تعرفين يا مره ؟ تعرفين الململ وتعرفين الشربتي وتعرفين الساسوني تعرفين دح المايه تعرفين تضربين تلي وتخدمين بادله وتقرضين براجع الحرمه الأصليه يوم المطرتحطي الخروس تحت المرازيب وتترسن ماء عذب للشرب الحرمه الأصليه تخم البيت وتلقط الورايه حق التنور وتنظف التنور وتطلع الصخام حق الكوار و المدخن الحرمه المواطنه الأصليه بيتها ما يخلي من الزعتر واليعده والحرمل والقرط والصبره والمره والخيله " ماتقولين لي جيف حصلتي الجواز وإنتي ما تعرفين هذي الأمور! ؟ "
__________________   |
|  |
|
28-11-2008, 01:01 PM
| #3 (permalink) |
| عــضـــــو ممـيــز تاريخ التّسجيل: Feb 2008
المشاركات: 3,018
| جد خيطتي كنادير حق عيالج علي الكرخانه لا تعرفين تدخلين الهدب في الإبره نعم جد خبزتي خمير ومحلي وجباب ورقاق علي الكوار نعم بس موب على الكوار ( ما اعرفه )  جد فرشتي المده في الحوي عقب المغرب وخرفتي عيالج عن سوالف الأولين لا في مره من المرات حلبتي العنز وسقيتي عيالج حليب قبل مايسيرون حق المطوعه لا في مره من المرات عقصتي راس البنات قبل مايسيرن المدرسه نعم جد مره حطيتي قفاطه حق الفيارين اللي تاكل كتب العيال لا ما احب تعرفين القرحاف والمداس ولا بس تعرفين الجوتي والجعب العالي لا عطرج عنبر وزباد ودهن ورد وعرق الزعفران ولا عطورج فرنسيه لا جد حرقتي لبانه دخون ليلة الجمعه ودخنتي الشربه ( أقصد اليحله ) مال الماء لا جد غسلتي الجدور والمواعين بليفة نخل ولا تستخدمين سائل لوكس وليف معدني نعم بس موب بليفة النخل عمرج علقتي التفق والخنير مال الريال في ظهر المخزن لا جد وقفتي جنب الريال يوم يثور التفق عقب الملجه لا تعرفين تخضين لبن وتسوين سمن وزبده لا جد سقيتي الياهل من ماء الغسول لا في مره عفصتي له تمره وحطيتيها في لهات الياهل لا عمرج قطر تي عيون الياهل بالكرمزيوم تعوره عيونه لا شو هذا بعد اول مره اسمع به جد حطيتي إيدج في بيب المالح وطلعتي ربعة مالحه حق المودم ( الجابسه ) يوم المطر امممم هيه يمكن مره المواطنه الأصليه تبرز المدخن وتدخن الريال والعيال يوم الجمعه قبل سيرة المسيد نعم المواطنه الأصليه لي شافت الريال في السكه تغشت وجابلت الطوفه علي شان مايعرفها لا ما شيء سكيك ههه مب مواطنه اللي ماتعرف تسوي البثيثه في الشتاء علي شان تدفي صدور عيالها لا أول مره أعرف مواطنه تغني وينسمع صوتها من ورى الطوفه لاتعليق شو من الخلاجين تعرفين يا مره ؟ تعرفين الململ وتعرفين الشربتي وتعرفين الساسوني تعرفين دح المايه هيه اعرف رش المطر و زند العبد ههههههههه سمعتها من يدتي بس ما اعرف كيف شكل النقشه اللي على القماش ههه تعرفين تضربين تلي وتخدمين بادله وتقرضين براجع لا الحرمه الأصليه يوم المطرتحطي الخروس تحت المرازيب وتترسن ماء عذب للشرب اممم حطيت بس طويسه صغيره الحرمه الأصليه تخم البيت وتلقط الورايه حق التنور وتنظف التنور وتطلع الصخام حق الكوار و المدخن الخمام نعم بس الباقي لا الحرمه المواطنه الأصليه بيتها ما يخلي من الزعتر واليعده والحرمل والقرط والصبره والمره والخيله موجود بس اممممم اممم ما احبهم " ماتقولين لي جيف حصلتي الجواز وإنتي ما تعرفين هذي الأمور! ؟ " يا حيني عندي كما نعم حصلناه بالوراثه
__________________ إن قلت هآنت خآلف الوقت ظني .. وان قلت زآنت عاجلتني بلاوي اجامل ايامي ولا جاملنـــــــــي ..هامت بي الدنيا هيام الخلاوي الوقت جاير والليالي اسهرنـــي...والحزن ما بين الضلوع متلاوي أون وكلا يحسب اني اغنـــــــي...عليل وكلا يحسب اني مداوي |
|
| |
|
28-11-2008, 02:25 PM
| #4 (permalink) |
| عــضـــــو ممـيــز تاريخ التّسجيل: Apr 2008
المشاركات: 5,940
| اول شي هذا ظلم انت يايب اسئله المفروض تجاوب عليها امي هذيلا يهال اللي عندك هنيه مثلي انا وشرواتي  شو دراهم بالشغلات ..بين منو الديناصورات هنيه الحين  جد خيطتي كنادير حق عيالج علي الكرخانه خيطت وانا بعدي ببيت امي.. العلم وخريطه حق الليله تعرفين تدخلين الهدب في الإبره نعم جد خبزتي خمير ومحلي وجباب ورقاق علي الكوار نعم بعد وانا ببيت امي جد فرشتي المده في الحوي عقب المغرب وخرفتي عيالج عن سوالف الأولين للحين لكن فوق البيت يوم يكون الجو حلو وامي اللي تخرفنا .. في مره من المرات حلبتي العنز وسقيتي عيالج حليب قبل مايسيرون حق المطوعه حلبت نعم لكن مب عشان الشرب عشان سفرتها تكون كبيره و ولدها مب قادر يرضع منها في مره من المرات عقصتي راس البنات قبل مايسيرن المدرسه للحين نعم جد مره حطيتي قفاطه حق الفيارين اللي تاكل كتب العيال لأ ما اذكر لكن اذكر اللزق.. تعرفين القرحاف والمداس ولا بس تعرفين الجوتي والجعب العالي هذي بسيطه يديده بعدها لكن المسميات تختلف عطرج عنبر وزباد ودهن ورد وعرق الزعفران ولا عطورج فرنسيه لا ما ادانيها الدهن عود وبس والباقي كله فرنسي .. جد حرقتي لبانه دخون ليلة الجمعه ودخنتي الشربه ( أقصد اليحله ) مال الماء كل يوم احرق لبان وساعات اخلط معاه حبه السودا وخطفه لكن للشربه لأ.. وبعدبن اليحله غير عن الشربه لا تقص علي.. جد غسلتي الجدور والمواعين بليفة نخل ولا تستخدمين سائل لوكس وليف معدني نعم ببيت امي زمان عمرج علقتي التفق والخنير مال الريال في ظهر المخزن الله يرحم ابوي ما لحقت عليه لكن خالي نعم جد وقفتي جنب الريال يوم يثور التفق عقب الملجه نعم وايد تعرفين تخضين لبن وتسوين سمن وزبده نعم من بقره ادوه عوش الله يرحمها سمن لا جد سقيتي الياهل من ماء الغسول سقوني أيه سقيت لأ في مره عفصتي له تمره وحطيتيها في لهات الياهل بكر الديناصوره وزوعت وتوبه بعدين عمرج قطر تي عيون الياهل بالكرمزيوم تعوره عيونه لأ جد حطيتي إيدج في بيب المالح وطلعتي ربعة مالحه حق المودم ( الجابسه ) يوم المطر وايد المواطنه الأصليه تبرز المدخن وتدخن الريال والعيال يوم الجمعه قبل سيرة المسيد توني قبل شوي وحطيت دهن عود على خشمه فوق لحيته بعد وخصصت اظفوره المواطنه الأصليه لي شافت الريال في السكه تغشت وجابلت الطوفه علي شان مايعرفها لابسه نقاب لكني اطالع الارض مب مواطنه اللي ماتعرف تسوي البثيثه في الشتاء علي شان تدفي صدور عيالها اعرف لكن ما ياكلها غيري والديناصور أول مره أعرف مواطنه تغني وينسمع صوتها من ورى الطوفه ما اعرف اغني اعرف ارزف  شو من الخلاجين تعرفين يا مره ؟ تعرفين الململ وتعرفين الشربتي وتعرفين الساسوني تعرفين دح المايه ولا وحده غير المريسي .. تعرفين تضربين تلي وتخدمين بادله وتقرضين براجع لأ الحرمه الأصليه يوم المطرتحطي الخروس تحت المرازيب وتترسن ماء عذب للشرب ما قطت سويتها الحرمه الأصليه تخم البيت وتلقط الورايه حق التنور وتنظف التنور وتطلع الصخام حق الكوار و المدخن زمان ببيت امي كله اسويه قبل المغرب عشان الصبح يكون جاهز الحرمه المواطنه الأصليه بيتها ما يخلي من الزعتر واليعده والحرمل والقرط والصبره والمره والخيله كله عندي واشرب الزعتر بشكل يومي تقريبا " ماتقولين لي جيف حصلتي الجواز وإنتي ما تعرفين هذي الأمور! ؟ " من الوراثه وبحكم القانون هااااااااااااااا كم تعطيني من ميه ؟؟؟؟؟؟؟؟ واعرف اقلي قهوه على اليمر وادقها بالمنحاز واعرف اخلف لوزار واعرف أخيط سراريد ما اعرف أسف واعرف اخبز خبز تنور وايد شغلات اعرفها لكني نسيتها ذكروني  |
|
| |
|
28-11-2008, 04:25 PM
| #6 (permalink) |
| عــضـــــو ممـيــز تاريخ التّسجيل: Dec 2005
المشاركات: 1,166
| خيبه يا خويه حمد اذا امايه من مواليد الخمسينات ما لحقت على كل هذا وين تبانا نحن نلحق صح نحن مش صغار ولكن مواليد 1980 هل ممكن حد منهم لحق على هاذى الامور ................................الحمد لله ظهر وبطن امارتيه وافتخر...............بس اشياء اول مره اسمع بها ..............واشياء سمعتها ولكن ما لحقت عليها الرجاء جدد لنا الموضوع من منتصف السبعينات ...............الى منتصف الثمانيات جاد انه نثبت وطنيتنا موضوع حلو ولطيف |
|
| |
|
28-11-2008, 06:18 PM
| #8 (permalink) | |
| مشرف المنتدى العام تاريخ التّسجيل: Dec 2004
المشاركات: 7,447
| إقتباس:
يتراوالى بعطيكم درجات علي ردودكم وإنتي يا ديناصوره صغيرونه مب سهله شكلج بتتصدرين أفضل الردود
__________________ | |
|
| |
|
28-11-2008, 06:22 PM
| #9 (permalink) | |
| مشرف المنتدى العام تاريخ التّسجيل: Dec 2004
المشاركات: 7,447
| إقتباس:
شكرا أصاله علي المرور والتفاعل مع الموضوع وعلي فكره إذا تداخلت عليك الأمور ممكن الإستعانه بالأم أو الخاله أو حتي الجده .
__________________ | |
|
| |
|
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | |
| طريقة العرض | |
|
|
 |
ابداع والله
النمط الخطي
