ياجماعة الخير برد اقول لكم (تعاقد سنوي) يعني مب سنة وحدة اكثر من سنة لكن على الاقل سنة
الشغل : نقل مليون طن من الكنكري ونبي نخلص هالكمية بحدود سنة عسبت نيب كمية ثانية والشغل مستمر..
و3 اشهر عقد أولي .. واذا اردتو التمديد بنسو له تمديد ما عندنا مانع ...
و14 الف مب اشوية على شاحنات سكسويل .. معروف شاحنات سكسويل تشتغل في الميناء على 10 الاف شهريا .. يعني ربح صافي 8 الاف وبدون سكن طبعا !! لو خذنا راتب السائق .وهذا 14 الف وتعاقد سنوي ومحد يبا !!!!!!!!!!! ولاتنسو أكل السائق+الديزل + سكن السائق .. انا معاكم في اماكن بـ 15 الف لكن بدون سكن للسائق ولا أكل ........ وفي بـ 16الف طبعا بدون سكن وبدون ديزل وبدون أكل وبدون ايل
وبعدين بأمكان اي شخص يسوي العقد معاي مب شرط لازم ايكون عنده شركة نقليات او شاحنات .. اي شخص يعرف شركات نقليات وانا بسوي العقد مع الشخص مب مع الشركة يعني بامكان الشخص يوفر مثلا 10 شاحنات من 10 شركات مختلفة .. وانا بتعاقد مع الشخص اللي وفر لي الشاحنة (عقد باطن)
بشرط
اتكون اقامة السائق على مالك الشاحنة(الشركة) يعني اسم الكفيل في تأشيرة السائق هو نفسه الاسم المدون في ملكية الشاحنة .. |